அரசாங்கத்திற்குள் குழப்பத்தை ஏற்படுத்தும் பொது வேட்பாளரின் நடவடிக்கை ஆரம்பம்

அரசாங்கத்தில் இருக்கும் அமைச்சர்கள், நாடாளுமன்ற உறுப்பினர்கள் மற்றும் அதிகாரிகளை பயன்படுத்தி அரசாங்கத்திற்குள் குழப்பங்களை ஏற்படுத்தும் விசேட நடவடிக்கை ஒன்று ஆரம்பிக்கப்பட்டுள்ளதாக கூறப்படுகிறது.
எதிர்க்கட்சிகளின் பொது வேட்பாளரின் இணைப்பு செயலகத்தினால் இந்த நடவடிக்கை ஆரம்பிக்கப்பட்டுள்ளது.

இறுதி சந்தர்ப்பம் வரை அரசாங்கத்திற்குள் இருந்து கொண்டு தனக்கு உதவி செய்யுமாறு பொது வேட்பாளர் மைத்திரிபால சிறிசேன தனக்கு நெருக்கமான அமைச்சர்கள் மற்றும் நாடாளுமன்ற உறுப்பினர்களுக்கு ஆலோசனை வழங்கியுள்ளதாக கூறப்படுகிறது.

நாளைய தினம் வேட்புமனு தாக்கல் செய்யப்பட்ட பின்னர், அரசாங்கத்தின் அமைச்சர்கள் உட்பட நாடாளுமன்ற உறுப்பினர்களும், ஸ்ரீலங்கா சுதந்திரக் கட்சியின் தொகுதி அமைப்பாளர்கள் சிலரும் மைத்திரிபாலவுடன் இணையவுள்ளதாக பொது வேட்பாளரின் செயலகத்தை சேர்ந்த பேச்சாளர் ஒருவர் தெரிவித்துள்ளார்.