அகஸ்தீஸ்வரர் கோயில் கும்பாபிஷேகம்

ஸ்ரீபெரும்புதூர் : ஸ்ரீபெரும்புதூர் ஒன்றியம் தண்டலம் ஊராட்சியில் அருள்மிகு திரிபுர சுந்தரி உடனுறை அகஸ்தீஸ்வரர் கோயில் உள்ளது. இந்த கோயில் தற்போது புதுப்பிக்கப்பட்டு, இங்குள்ள விநாயகர், பாலமுருகன் உள்பட பல சன்னதிகள் புனரமைக்கப்பட்டன. கடந்த 7ம் தேதி கணபதி ஹோமத்துடன் கும்பாபிஷேகம் தொடங்கியது. நேற்று 2ம் கால பூஜை, கோ பூஜை, பிரம்மச்சாரி பூஜை, தம்பதி பூஜை, கன்னிகா பூஜை, மாலையில் 3ம் கால பூஜை ஆகியவை நடந்தது.

இன்று காலை 6.30 மணிக்கு 4ம் கால பூஜையுடன் சிவாச்சாரியார்கள் தலைமையில் காலை 9.15 மணி முதல் 10.15 மணிக்குள் கும்பாபிஷேகம் நடக்கிறது. இதை தொடர்ந்து சிறப்பு அர்ச்சனை, ஆராதனை, அபிஷேகம் ஆகியவை நடைபெற உள்ளது. மாலையில் திரிப்புர சுந்தரி உடனுறை அகஸ்தீஸ்வர சுவாமி திருக்கல்யாண வைபவம் நடைபெறுகிறது. விழா ஏற்பாடுகளை தண்டலம் கிராம பொதுமக்கள் மற்றும் விழா குழுவினர் செய்து வருகின்றனர்.