எதிர்க்கட்சிக்கு மாறப்போகும் கல்வி அமைச்சர்!

கல்வி அமைச்சர் பந்துல குணவர்த்தன அரசாங்கத்தில் இருந்து எதிர்க்கட்சிக்கு மாறிவிடுவார் என்ற எதிர்வுகள் கூறப்பட்டுள்ளன.
ஹோமாகமையில் நேற்று இடம்பெற்ற ஜனாதிபதி மஹிந்த ராஜபக்சவுக்கு ஆதரவளிக்கும் கூட்டம் ஒன்றுக்கு அமைச்சருக்கு அழைப்பு விடுக்கப்பட்டிருந்தது.

ஸ்ரீலங்கா சுதந்திரக்கட்சியின் ஹோமாகமை தொகுதி அமைப்பாளராகவும் அமைச்சர் பந்துல குணவர்த்தன செயற்படுகிறார்.

இந்தநிலையில் அவர் குறித்த கூட்டத்தை புறக்கணித்தமை தொடர்பில் ஆளும் கட்சி கண்டனத்தை வெளியிட்டுள்ளது.

அமைச்சர் ஜோன் செனவிரட்ன இது தொடர்பில் கூறுகையில் பந்துல குணவர்த்தனவின் செயல் கண்டிக்கத்தக்கது என்று குறிப்பிட்டுள்ளார்.

அத்துடன் ஹோமாகமையில் இடம்பெறும் அரசியல் நகர்வுகள் தொடர்பில் அவதானித்துக்கொண்டிப்பதாக அவர் தெரிவித்துள்ளார்.