மதுரை ஆவணி மூலத்திருவிழா பிட்டுக்கு மண் சுமந்த திருவிளையாடல் பக்தர்கள் குவிந்தனர்

மதுரை, : மதுரை மீனாட்சி அம்மன் கோயிலில் நடைபெறும் ஆவணி மூல விழாவில் பிட்டு திருவிழா முக்கியத்துவம் வாய்ந்தது. ஆரப்பாளையம் கிராஸ் ரோட்டிலுள்ள சொக்கநாதர் கோயிலில் நடந்த பிட்டு திருவிழாவிற்காக நேற்றுக்காலை 6 மணிக்கு மீனாட்சி அம்மன் கோயிலில் இருந்து சுவாமி சுந்தரேஸ்வரர், பிரியாவிடை, மீனாட்சி அம்மனுடன் மேளதாளங்கள் முழங்க பரிவாரங்களுடன் கோயிலில் இருந்து புறப்பாடாகி புட்டுத்தோப்பு பகுதிக்கு வந்தனர். விழாவைக் காண அதிகாலையில் இருந்தே பக்தர்கள் புட்டுத்தோப்பில் திரண்டிருந்தனர். பிற்பகல் 3.22 மணிக்கு மேல் சொக்கநாதர் கோயிலில் பிட்டுக்கு மண் சுமந்த திருவிளையாடல் பட்டர்களால் அரங்கேற்றப்பட்டது.