கம்மன்பில விலகியமை கட்சிக்கு பாதிப்பை ஏற்படுத்தாது!– சம்பிக்க ரணவக்க

முன்னாள் மேல் மாகாணசபை உறுப்பினர் உதய கம்மன்பில கட்சியை விட்டு விலகியமை கட்சியை பாதிக்காது என ஜாதிக ஹெல உறுமய கட்சியின் பொதுச் செயலாளர் சம்பிக்க ரணவக்க தெரிவித்துள்ளார்.
கட்சியின் முன்னாள் பிரதிப் பொதுச் செயலாளர் உதய கம்மன்பில ஆளும் கட்சியுடன் மீள இணைந்து கொண்டமை குறித்து ஊடகங்களுக்கு சற்று முன்னர் கருத்து வெளியிட்ட போது அவர் இதனைக் குறிப்பிட்டுள்ளார்.

உதய கம்மன்பில என்பவர் மற்றுமொரு அரசியல் வாதி மட்டுமே.

ஜனாதிபதி மஹிந்த ராஜபக்சவுடன் கம்மன்பில மீள இணைந்து கொள்வதனால் ஜாதிக ஹெல உறுமயவிற்கோ எனக்கோ பிரச்சினை கிடையாது.

கம்மன்பில என்பவர் ஓர் சிறந்த அரசியல்வாதி. அவருக்கு எங்கள் இதயபூர்வமான வாழ்த்துக்களை தெரிவிக்கின்றோம்.

தாம் நம்பும் கொள்கையின் அடிப்படையில் அவர் தீர்மானம் எடுத்திருக்கின்றார்.

கம்மன்பிலவின் தீர்மானம் தொடர்பில் எமக்கும் கட்சி உறுப்பினர்களுக்கும் வருத்தம் ஏற்படுத்தும் வகையில் அமைந்துள்ளது.

எனினும், கம்மன்பில தொடர்பில் இறுதியில் மக்களே தீர்மானிப்பார்கள் என சம்பிக்க ரணவக்க தெரிவித்துள்ளார்.