வெள்ளை விநாயகர் கோயிலில் நாளை கும்பாபிஷேக விழா

செம்பனார்கோவில் : நாகை மாவட்டம் செம்பனார்கோவில் குமரன் தெரு வில் வெள்ளை விநாயகர் கோயில் உள்ளது. இந்தக் கோயில் கும்பாபிஷேக விழா நாளை (6ம்தேதி) நடக்கிறது. இதனை முன்னிட்டு நேற்றுமுன்தினம் விக்னேஷ்வர பூஜை மற்றும் கணபதியாகத்துடன் கும்பாபிஷேக விழா தொடங்கியது. நேற்று காலை 8 மணிக்கு நவக்கிரக யாகம், மகாலெட்சுமி யாகம் நடந்தது. மாலை 5 மணிக்கு முதல் கால யாகசாலை பூஜை நடந்தது. இன்று (புதன் கிழமை) காலை, மாலை 2ம் மற்றும் 3ம் கால யாகசாலை பூஜை, கோ பூஜை, பிரும்மசாரி பூஜை, தீபலெட்சுமி பூஜை ஆகிய பூஜைகள் நடக்கிறது. நாளை (6ந் தேதி) காலை 5.30 மணிக்கு 4ம் கால யாக சாலை பூஜை நடக்கிறது. தொடர்ந்து காலை 9.15 மணிக்கு புனித நீர் அடங்கிய கடம் ஊர்வலமும், காலை 9.30 மணிக்கு விமான கலசத்தில் புனித நீர் ஊற்றி கும்பாபிஷேகம் செய்யப்படுகிறது. ஏற்பாடுகளை திருப் பணி குழுவினர் மற்றும் திருப்பூர் குமரன் செங்குந்தர் நலச் சங்கத்தினர் செய்து வருகின்றனர்.