சீர்காழி அருகே முருகன் திருக்கல்யாணத்தை காணவந்த மயில்: பக்தர்கள் பரவசம்

இங்கு வள்ளி– தெய்வானை சமேத பாலசுப்பிரமணிய சுவாமி சன்னதி உள்ளது. இங்கு கந்தசஷ்டி விழாவையொட்டி நேற்று மாலை முருகனுக்கு திருக்கல்யாணம் நடைபெற்றது. இதனை காண கோவிலில் ஏராளமான பக்தர்கள் திரண்டு இருந்தனர்.
திருக்கல்யாணம் நடைபெறும் வேளையில் எங்கிருந்தோ ஒரு மயில் திருக்கல்யாணம் நடைபெறும் இடத்துக்கு வந்தது. அது யாகசாலை மண்டபத்தில் 15 நிமிடம் அமர்ந்து திருக்கல்யாண நிகழ்ச்சியை பார்த்தது. இதனை கண்ட பக்தர்கள் முருகனே மயில் வடிவில் வந்ததாக கருதி பரவசமடைந்தனர். சிலர் மயிலை பார்த்து வணங்கினர்.

பின்னர் அந்த மயில் வெளியே சென்று பறந்து போய்விட்டது. இந்த சம்பவம் பக்தர்கள் மத்தியில் சிறிது நேரம் பரபரப்பை ஏற்படுத்தியது. அவர்கள் திருக்கல்யாணம் காண மயில் வந்ததை மற்ற பக்தர்களிடம் கூறி மகிழ்ந்தனர்.