கல்வி தரும் சுபத்ராதேவி

நவமி திதிக்கு உரித்தான அன்னை சுபத்ரை ஆவாள். இவரை நவராத்திரி விழாவின் 9-ம் நாள் (2-ந்தேதி வியாழக்கிழமை) வழிபடுதல் வேண்டும். சுபத்ரா தேவியானவள் பத்து வயதுக் குழந்தை தோற்றத்தில் இருப்பவள்.

நவமி திதியில் பத்து வயதுக் குழந்தையை அழைத்து வந்து, சுபத்ரை தேவியாய் பாவித்து ஆடை, அலங்காரங்கள் செய்து, பாத பூஜை செய்து வணங்க வேண்டும்.

நவராத்திரி நவமி திதிநாளில் ஸ்ரீஹயக்ரீவப் பெருமானை அனைவரும், குறிப்பாகப் படிக்கும் பிள்ளைகள் வணங்கித் துதித்தால் சிறந்த பலன்களைப் பெறலாம்.

அன்று ஸ்ரீஆதிசங்கரர் அளித்த சவுந்தர்ய லஹரியில் 41-ல் இருந்து 100 வரை உள்ள பாடல்களைப் பாட வேண்டும். அன்னை சுபத்ரையை வணங்கினால் அனைத்து இஷ்ட, காம்ய சித்திகளையும் அளிப்பாள்.