கோத்தகிரி அம்மன் கோயில் திருவிழா

கோத்தகிரி : கோத்தகிரி அருகிலுள்ள பில்லிகம்பை மாரியம்மன் கோயில் திருவிழா கடந்த சனிக்கிழமை துவங்கியது. அன்று அம்மன் அழைப்பு நிகழ்ச்சியும் அதனை தொடர்ந்து வன கோயிலுக்கு செல்லும் நிகழ்ச்சியும் நடைபெற்றது. இதனை தொடர்ந்து நேற்று காலை 5 மணிக்கு சிறப்பு பூஜையும், காலை 9 மணி முதல் 12 மணி வரை அம்மன் திருவீதி உலா அரக்கோல் இசை முழங்க ஒவ்வொரு வீட்டிற்கும் வந்தடைந்தது. நண்பகல் 1 மணி முதல் கங்கை பூசை, முடி காணிக்கை நிகழ்ச்சியும் அதனை தொடர்ந்து படுகர் கலாசார நாட்டிய நடன நிகழ்ச்சியும் நடைபெற்றது.

பகல் 2 மணியளவில் பக்தர்களுக்கு அன்னதானம் வழங்கப்பட்டது. தொடர்ந்து கக்கேரய்யா கோயிலில் சிறப்பு பூஜையும், அதனை தொடர்ந்து அரக்கோல் ஹப்ப ஹாட்டமும் நடைபெற்றது. திருவிழாவில் ஏராளமான பக்தர்கள் பங்கேற்றனர். விழாவிற்க்கான ஏற்பாடுகளை ஊர் தலைவர் மற்றும் பொதுமக்கள் செய்திருந்தனர்.