ஸ்ரீயதோக்தகாரி கோயில் பங்குனி பிரமோற்சவம் நிறைவு பக்தர்கள் தரிசனம்

காஞ்சிபுரம், : காஞ்சிபுரம் கோமளவள்ளி சமேத ஸ்ரீயதோக்தகாரி திருக்கோயிலில் பங்குனி உத்திர திருவிழா கடந்த 23ம்தேதி தொடங்கி நேற்று வரை நடந்தது. இதையொட்டி பெருமாளுக்கு சிறப்பு பூஜை, அபிஷேகம், ஆராதனை செய்யப்பட்டது. காலை நிகழ்ச்சிகளான ஹம்ச வாகனம், கருடசேவை, சேஷ வாகனம், தங்க பல்லக்கு, சப்பரம், திருத்தேர் உற்சவம், தொட்டி திருமஞ்சணம், தீர்த்தவாரி நடந்தது.

இரவு நிகழ்ச்சிகளான சிம்மவாகனம், சூர்யபிரபை, அனுமந்தவாகனம், சந்திரபிரபை, யாழிவாகனம், யானை வாகனம், திருத்தேரில் எழுந்தருளல், திருமஞ்சனம், குதிரைவாகனம், வேதசார விமானம், புஷ்ப பல்லக்கு நடந்தது. நிறைவுநாள் நிகழ்ச்சியான நேற்று திருவாய்மொழி சாற்றுமுறை, வெட்டிவேர் சப்பரம் ஊர்வலம் நடந்தது. முக்கிய வீதிகளில் உலா வந்து பெருமாள் பக்தர்களுக்கு காட்சியளித்தார். விழாவில் ஏராளமான பக்தர்கள் கலந்து கொண்டு பெருமாளை வழிபட்டனர்.