அமுதம் வழங்கிய ஈசன்

திருக்கடம்பூர் அமிர்தகடேஸ்வரர் கோவில் கருவறை, அடிப்பாகத்தில் சக்கரங்களுடன் குதிரை பூட்டிய தேர் போன்ற அமைப்பில் இருக்கிறது. முன் காலத்தில் இங்கு கடம்ப மரங்கள் அதிகமாக இருந்த காரணத்தால் இத்தலம் கடம்பூர் என்று அழைக்கப்பட்டது.

இத்தலத்தில் உள்ள இறைவனை வழிபட்டு, இந்திரன் அமுத கலசம் பெற்றார். எனவே இறைவன் அமிர்தகடேஸ்வரர் என்று அழைக்கப்படுகிறார். இங்குள்ள ஈசனை வழிபட்டு, முருகப்பெருமான் வில்லாயுதம் பெற்றதாக தல வரலாறு தெரிவிக்கிறது.

இத்தலத்தில் உள்ள விநாயகர் சாய்ந்த நிலையில் காணப்படுகிறார். சிதம்பரத்தில் இருந்து எய்யலூர் வழியாக காட்டுமன்னார்குடிக்கு செல்லும் சாலையில் திருக்கடம்பூர் திருத்தலம் அமைந்துள்ளது.