ஆவணியாபுரம் கோவிலில் கார்த்திகை மாத விழா

பெரணமல்லூர் அடுத்த ஆவணியாபுரம் கிராமத்தில் சிம்மமலையில் லட்சுமி நரசிம்ம பெருமாள் கோவிலில் கார்த்திகை மாத விழா நடந்தது.லட்சுமி நரசிம்மர், சீனிவாச பெருமாள், பஞ்ச நரசிம்மர், யோக நரசிம்மர், அலமேலு மங்கை, வரதராஜபெருமாள் ஆகிய சுவாமி திருமஞ்சனம் செய்து பின்னர் கார்த்திகை மாத பூஜை செய்தனர்.

இதில் கோவில் நித்திய சொற்பொழிவாளர் மணிபாலன் கண்ணன் வேடம் அணிந்து 108 படிக்கு பக்தி பாடல் பாடினார். இஞ்சிமேடு பெரிய மலையில் உள்ள திருமணிச்சேரை உடையார் சிவன் லிங்கத்திற்கு பால், தயிர், பன்னீர், சந்தானம், குங்குமம், திருநீர் ஆகியவை மூலம் அபிஷேகம் செய்து சிவச்சாரியார் ஆனந்தன் கற்பூர ஆராதனை செய்தார்.