திருச்சானூர் பத்மாவதி தாயார் கோவில் கார்த்திகை பிரமோற்சவம் நாளை தொடங்குகிறது

நகரி, நவ. 18–

திருச்சானூர் பத்மாவதி தாயார் கோவிலில் ஆண்டு தோறும் கார்த்திகை பிரமோற்சவம் கோலாகலமாக நடத்தப்படுவது உண்டு.

இந்த ஆண்டுக்கான பிரமோற்சவம் நாளை கொடியேற்றத்துடன் தொடங்குகிறது. இரவு சின்ன சேஷ வாகனத்தில் தாயார் வீதி உலா வருகிறார்.

23–ந்தேதி இரவு கஜ வாகன சேவையும், 24–ந்தேதி இரவு கருட வாகன சேவையும் நடைபெறுகிறது.

முக்கிய நிகழ்ச்சிகளான சக்கரஸ்நானம் (தீர்த்தவாரி) 27–ந்தேதி நடக்கிறது. அன்றைய தினம் 5 லட்சம் பக்தர்கள் திருச்சானூர் வருவார்கள் என எதிர்பார்க்கப்படுகிறது.

பிரமோற்சவத்தை முன்னிட்டு கோவிலில் இன்று மாலை அங்குரார்ப்பணம் நிகழ்ச்சி நடக்கிறது.

முன்னதாக காலை பத்மாவதி தாயாரை கிருஷ்ணசாமி முக மண்டபத்தில் எழுந்தருளச் செய்த 1 லட்சம் குங்கும அர்ச்சனை நடத்தப்படுகிறது.

உலக அமைதிக்காக இந்த அர்ச்சனை நடைபெற்றது. இதில் ஏராளமான பக்தர்கள் கலந்து கொண்டனர்.