நாட்டில் என்ன நடக்கிறது? - வாசுதேவ, ஜீவன் வெகுவிரைவில் மைத்திரி பக்கம்?

தற்பொழுது மகிந்த ராஜபக்சவிற்கு ஆதரவு என்று கூறி வரும் அமைச்சர்கள் வாசுதேவ நாணயக்கார, ஜீவன் குமாரதுங்க இருவரும் வெகு விரைவில் அரசைவிட்டு வெளியேறலாம் என்று நம்பத்தகுந்த வட்டாரங்கள் தெரிவிக்கின்றன
அமைச்சர் வாசுதேவ தனது நெருங்கிய சகாக்களுக்கு கருத்து கூறுகையில், தற்போதைய நிலைவரம் சம்பந்தமாக வெகுவிரைவில் ஓர் முடிவை எடுக்கவேண்டிய நிலையில் இருப்பதாகவும், தற்பொழுது நாட்டின் நடவடிக்கைகள் சர்வாதிகார ஆட்சியை நோக்கி மகிந்த கொண்டு செல்வதாகவும் குறிப்பிட்டுள்ளார்.

அமைச்சர் வாசுதேவ நாளை முக்கிய தீர்மானம்?

அரச கரும மொழிகள் மற்றும் சமூக ஒருமைப்பாட்டு அமைச்சர் வாசுதேவ நாணயக்கார நாளை முக்கிய தீர்மானமொன்றை அறிவிக்கவுள்ளதாக தெரிவிக்கப்படுகின்றது.

தற்பொழுது நடைமுறையிலுள்ள அரசியல் நிலவரங்களை வைத்து அமைச்சர் இந்த தீர்மானத்தை எடுத்துள்ளதாகவும் குறிப்பிடப்படுகின்றது.

அரசாங்கத்துக்குள் தொடர்ந்தும் இருப்பதா? இல்லையா? என்ற தீர்மானத்தையே அவர் நாளை அறிவிக்கவுள்ளதாக அமைச்சருடன் உள்ள நெருங்கிய தொடர்புகள் மூலம் அறியக்கிடைத்துள்ளதாக சிங்கள ஊடகமொன்று குறிப்பிட்டுள்ளது.