புலம்பெயர்ந்த தமிழர்களுக்கு வாக்குரிமை வழங்க முடியாது: டலஸ் அழகப் பெரும

புலம்பெயர்ந்து வெளிநாடுகளில் வாழும் தமிழர்களுக்கு எக்காரணம் கொண்டும் வாக்களிப்பதற்கான சந்தர்ப்பம் வழங்கப்படமாட்டாது என ஊடகவியலாளர்களுக்கு அமைச்சர் டலஸ் அழகப் பெரும தெரிவித்தார்.

அவர் தொடர்ந்தும் கூறுகையில், நடைபெறவிருக்கும் ஜனாதிபதித் தேர்தலில் நாட்டு மக்கள் ஓர் தீர்க்கமான முடிவை எடுக்கவேண்டும் அவ்வாறான முடிவை எடுக்கும் முன் நாட்டின் பாதுகாப்பு ஸ்திர தன்மை, பொருளாதார வளர்ச்சி என்பவற்றை கருத்தில் கொள்ள வேண்டும்.

புலம் பெயர்ந்த தமிழர்களுக்கு இந்நாட்டு ஜனாதிபதியை தேர்ந்தெடுக்கும் உரிமையை எக்காரணம் கொண்டும் வழங்கமுடியாது அவர்களின் வருகை மீண்டும் புலிகளின் வளர்ச்சிக்கு வித்திடும்.

நாட்டு மக்கள் ஜனவரி 8ஆம் திகதி அரசுக்கு ஆதரவாக வாக்களிக்குமாறு கேட்டுக்கொள்கின்றேன் என்றும் கூறினார். இந்த ஊடக சந்திப்பில் அமைச்சர் திஸ்ஸ விதாரணே, முஸாம்மில் ஆகியோர் கலந்து கொண்டனர்.