திருச்செந்தூரில் இன்று ஆவணி திருவிழா தேரோட்டம்

திருச்செந்தூர்: திருச்செந்தூர் சுப்பிரமணிய சுவாமி கோயிலில் ஆவணித்திருவிழா 9ம் நாளான நேற்று காலை 6.30 மணிக்கு வெங்குபாஷா மண்டகப்படியிலிருந்து சுவாமி ஆறுமுகநயினார் பெரிய வெள்ளி சப்பரத்தில் வெள்ளை சாத்தி எழுந்தருளி, எட்டு வீதிகளிலும் உலா வந்து சிவன்கோயில் சேர்ந்தார். அங்கு தீபாராதனையாகி, பச்சை சாத்தி மண்டகப்படி சேர்ந்தார். பகல் 12.15 மணிக்கு ஆறுமுகநயினார் பச்சை சாத்தி சப்பரத்தில் எழுந்தருளி, எட்டு வீதிகளிலும் உலா வந்து இரவில் கோயிலை அடைந்தார். திரளான பக்தர்கள் தரிசனம் செய்தனர். முக்கிய நிகழ்ச்சியான தேரோட்டம் இன்று நடக்கிறது