அழகர்கோவில் சோலைமலை முருகன் கோவிலில் திருக்கல்யாண திருவிழா

மதுரை மாவட்டம் அழகர்மலை உச்சியில் உள்ள ஆறாவது படை வீடு எனும் சோலைமலை முருகன் கோவிலில் கந்தசஷ்டி திருவிழா கடந்த 24–ந் தேதி தொடங்கி நடந்து வந்தது. இதில் 29–ந்தேதி சூரசம்ஹார விழாவும் அதை தொடர்ந்து நேற்று (வியாழக்கிழமை) திருக்கல்யாண திருவிழா நடந்தது.
இதில் காலையில் யாக சாலை பூஜையும், மஹா அபிசேகமும், தீபாராதனை யும் நடந்தது. பின்னர் வண்ண மலர்களாலும் மின் விளக்குகளாலும் அலங்கரிக்கப்பட்ட திருமண மண்டபத்தில் வள்ளி–தெய்வானையை சுப்பிரமணியசுவாமி காலை 11.15 மணிக்கு திருமாங்கல்யம் அணிவித்து மணந்தார்.

அப்போது சிவாச்சாரி யார்கள் வேதமந்திரங் கள் முழங்க மங்கள வாத்தியங்களிசைக்க பக்தர்களின் அரோகரா கோஷத்துடன் திருக்கல் யாண வைபவம் நடந்தது. தொடர்ந்து திருப்பாவாடை தரிசனம்,சுவாமிபுறப்பாடு, தங்கதேர் பவனி,ஊஞ்சல் உற்சவம் உள்ளிட்ட மஞ்சள் நீர் சாற்று முறையுடன் திருவிழா நிறைவு பெற்றது.

முன்னதாக ஆயிரக்கணக் கான பக்தர்களுக்கு திருக்கல்யாண விருந்தாக அறுசுவை உணவு அன்ன தானம் வழங்கப்பட்டது.விழா ஏற்பாடுகளை தக்கார் வெங்கடாசலம், நிர்வாக அதிகாரி வரதராஜன், உபயதாரர் சுப்பையா செட்டியார், உள்ளிட்ட திருக்கோவில் பணியாளர்கள் செய்திருந்தனர்.