நல்லாட்சி இன்மைக்கு பிரதான காரணம் பயங்கரவாதம்!- கோத்தபாய ராஜபக்ச

பல ஆண்டுகளாக எடுப்பட வேண்டிய நடவடிக்கைகள் சரியாக எடுக்கப்படாத காரணத்தினால், நாட்டிற்குள் தற்போது நல்லாட்சி என்பது இல்லாமல் போயிருப்பதாக பாதுகாப்புச் செயலாளர் கோத்தபாய ராஜபக்ச தெரிவித்துள்ளார்.
கொழும்பில் இன்று நடைபெற்ற வைபவம் ஒன்றில் பேசும் போதே அவர் இதனை கூறியுள்ளார்.

அரச மற்றும் தனியார் துறைகளில் நடைமுறை ரீதியான செயற்பாடுகள் மூலம் நல்லாட்சியை கட்டியெழுப்ப வேண்டும்.

எனினும் நல்லாட்சி இல்லை என்று கூறி அரசாங்கத்தின் மீது குற்றம் சுமத்தப்பட்டாலும் அதற்கு பிரதான காரணம் ஒன்று இருந்தது.

நாட்டில் இருந்து வந்த பயங்கரவாதமே அந்த பிரதான காரணம் எனவும் அவர் கூறியுள்ளார்.