வல்லத்தில் அய்யா தேர் பவனி

செங்கோட்டை அடுத்துள்ள வல்லம் கிராமம் மணிய நாடார் தெருவில் ஸ்ரீமன் ஆதி நாராயண அய்யா கோவில் உள்ளது. இக்கோவிலில் ஒவ்வொரு தமிழ் மாதமும் முதல் ஞாயிறு அன்று மதியம் அன்னதானம் மற்றும் வீதிஉலா நிகழ்ச்சி நடைபெற்று வருகிறது.

இந்நிலையில் அய்யா வைகுண்டசாமி தர்மபதியில் ஆவணி திருவிழா கடந்த 29ம் தேதி காலையில் கொடியேற்றத்துடன் துவங்கியது. தினந்தோறும் உச்சிபடிப்பு ,அன்ன தர்மம் நிகழ்ச்சிகளுடன் மாலை 6 மணிக்கு காமதேனுவாகனம், சூரிய வாகனம், தண்டிகை வாகனம், ஆசனம் வாகனம், கருடவாகனம், குதிரை வாகனம், அனுமன் வாகனம், இந்திர வாகனம் போன்ற வாகனங்களில் சுவாமியின் வீதி உலா நிகழ்ச்சி நடைபெற்றது. முடிவில் அருள்பிரசாதமும் வழங்கப்பட்டது.

முக்கிய நிகழ்ச்சியான நேற்று மாலை செம்பவள தேர் வெள்ளோட்டத்திற்கு அனுமன் வாகனத்தில் அய்யா எழுந்தருளினார். பின்னர் முக்கிய வீதிகள் வழியாக தேரோட்டம் நடைபெற்றது.

இதில் சுற்று வட்டாரத்தை சேர்ந்த ஏராளமானோர் கலந்து கொண்டு அருள்பிரசாதம் பெற்று சென்றனர். இறுதிநாளான இன்று திருக்கொடி இறக்கம் நிகழ்ச்சியும் நடைபெற்றது. இதற்கான ஏற்பாடுகளை பதிபண்டாரம் சுப்புராஜ், சீசர் மணிகண்டன் மற்றும் அய்யாவின் கொடி மக்கள் செய்திருந்தனர்.