வீதியில் உணவு சமைத்து முஸ்லிம்கள் கவனயீர்ப்பு போராட்டம்

யாழ்ப்பாணத்தில் முஸ்லிம் மக்கள் வீதியில் உணவு சமைத்து கவனயீர்ப்புப் போராட்டமொன்றை முன்னெடுத்துள்ளனர்.

பொம்மாவெளி, முதலாம் குறுக்குதெரு ஜே- 87 கிராமஅலுவலர் எல்லைக்குட்பட்ட முஸ்லிம் மக்களே இவ்வாறு போராட்டத்தில் ஈடுபட்டனர்.

கடந்த சில நாட்களாக பெய்துவரும் அடைமழை காரணமாக அப்பகுதியில் வசிக்கும் மக்களின் வீடுகளுக்குள் மழை வெள்ளம் தேங்கி நிற்பதால், 40 குடும்பங்கள் பாதிக்கப்பட்டுள்ளனர்.

இதனால், அன்றாட உணவுகளை சமைத்து உண்ண முடியாத நிலையில் மக்கள் உள்ளனர்.

2010ஆம் ஆண்டு மீள்குடியேற்றப்பட்ட போதும் தமக்குரிய அடிப்படை வசதிகளை எவரும் செய்து தரவில்லை என்றும் நான்கு வருடங்களாக இப்படியான நிலையிலேயே தாங்கள் வசிப்பதாகவும் தெரிவித்தார்கள்.

மேலும் வீட்டுத்திட்டத்திலும் தாங்கள் உள்வாங்கப்படவில்லை எனவும் இவற்றையெல்லாம் கண்டித்தே வீதியில் உணவு சமைக்கும் போராட்டத்தை முன்னெடுத்ததாக அவர்கள் தெரிவித்தனர்.