மைத்திரிக்கு ஆதரவு! லங்கா சமசமாஜக் கட்சியின் 6 உறுப்பினர்கள் நீக்கம்

இலங்கையில் லங்கா சமசமாஜக்கட்சி அதன் முக்கிய 6 உறுப்பினர்களின் உறுப்புரிமையை ரத்துச் செய்துள்ளது.

குறித்த 6 பேரும் கட்சியின் தீர்மானத்தை மீறி பொதுவேட்பாளர் மைத்திரிபால சிறிசேனவுக்கு ஆதரவளிக்க உடன்பட்டமை காரணமாகவே கட்சியில் இருந்து நீக்கப்பட்டுள்ளனர்.

இவர்கள் கட்சிக்கு தெரியாமல் மைத்திரிபாலவுடன் உடன்படிக்கை ஒன்றை கைச்சாத்திட்டுள்ளதாகவும் தெரிவிக்கப்பட்டுள்ளது.

இதனையடுத்து நேற்று இவர்களின் உறுப்புரிமை நீக்கம் மேற்கொள்ளப்பட்டுள்ளது. இதில் மேல்மாகாண சபை உறுப்பினர்களும் அடங்குகின்றனர்.

லங்கா சமசமாஜக் கட்சியின் மத்திய குழு உறுப்பினர்களில் 24 பேர் மஹிந்த ராஜபக்சவுக்கு ஆதரவு வழங்குகின்றனர். 13பேர் அவரை எதிர்க்கின்றனர்.