பொதுமக்கள் அமைதியை நிலைநாட்டும் பொறுப்பு பொலிஸாரிடம் ஒப்படைக்கப்பட வேண்டும்: ட்ரான்பெரன்ஸி

பொதுமக்கள் அமைதியை நிலைநாட்டும் பொறுப்பு பொலிஸாரிடம் ஒப்படைக்கப்பட வேண்டும் என ட்ரான்பெரன்சி இன்டர்நெசனல் நிறுவனத்தின் நிறைவேற்றுப் பணிப்பாளர் எஸ்.ருஹுனுகே தெரிவித்துள்ளார்.
பொதுமக்கள் அமைதியை நிலைநாட்டுவதற்கு முப்படையினரை அழைக்கும் வர்த்தமானி அறிவித்தல் ரத்து செய்யப்பட வேண்டும்.

தேர்தல் சுதந்திரமானதும் நியாயமானதுமான முறையில் நடாத்த நடவடிக்கை எடுக்கப்பட வேண்டும். நாட்டில் தற்போது அவசர காலச் சட்டம் அமுல்படுத்தப்படவில்லை.

எனினும், பொதுமக்கள் பாதுகாப்புச் சட்டத்தின் 12ம் சரத்தின் அடிப்படையில் ஜனாதிபதியினால் சகல மாவட்டங்களிலும் முப்படையினரை அழைத்து பாதுகாப்பு கடமையில் ஈடுபடுத்த முடியும்.

மாதாந்தம் இவ்வாறு முப்படையினர் ஜனாதிபதியினால் அழைக்கப்படுகின்றனர். இதனால் பொலிஸாரின் சில கடமைகள் முப்படையினரிடம் ஒப்படைக்கப்படுகின்றது.

சிவில் நிர்வாக நடவடிக்கைகளின் போது படையினரின் பிரசன்னம் ஏற்றுக்கொள்ளக்கூடியதல்ல.

தேர்தல் கடமைகளில் படையினரை ஈடுபடுத்தும் கட்டாயத் தேவை இருந்தால் அதற்கான அதிகாரம் தேர்தல் ஆணையாளருக்கு காணப்படுகின்றது என ட்ரான்பெரன்சி இன்டர்நெசனல் நிறுவனத்தின் நிறைவேற்றுப் பணிப்பாளர் எஸ்.ருஹுனுகே தெரிவித்துள்ளதாக சிங்கள ஊடகமொன்று செய்தி வெளியிட்டுள்ளது.