அய்யா வைகுண்டசாமி கோவிலில் திருஏடு வாசிப்பு விழா

பெரியவிளையில் உள்ள பொறுமைபதி அய்யா வைகுண்டசாமி திருக்கோவிலில் திருஏடு வாசிப்பு விழாவும், ஆவணி திருவிழாவும் கடந்த 29–ந் தேதி தொடங்கி நடந்து வருகிறது.

நாளை(வெள்ளிக்கிழமை) மாலை 6 மணிக்கு திருஏடு வாசித்தல், இரவு 7 மணிக்கு சமபந்தி விருந்து, 130நட தேதி மாலை 4.30 மணிக்கு அய்யாவுக்கு பணி விடை, மாலை 5 மணிக்கு திருஏடு வாசித்தல், 14–ந் தேதி காலை 6 மணி மற்றும் பகல் 11.30 மணிக்கு அய்யாவுக்கு பணி விடை, 12 மணிக்கு உச்சிப் படிப்பு, மாலை 6 மணிக்கு திருஏடு வாசிப்பு, இரவு 8 மணிக்கு அய்யாவுக்கு அலங் கார பணி விடை, இரவு 9 மணிக்கு அன்னதர்மம் ஆகியவை நடக்கிறது.

15–ந் தேதி பகல் 12.30 மணிக்கு அய்யாவுக்கு சிறப்பு பணி விடை, 1.30 மணிக்கு சமபந்தி விருந்து, மாலை 5 மணிக்கு அய்யாவுக்கு பணி விடையும், பால் நேமித்தலும், மாலை 5.30 மணிக்கு அய்யா கருடவாகனத்தில் ஊர் சுற்றி வலம் வருதல் ஆகியவையும் நடக்கிறது. விழா ஏற்பாடுகளை விழா குழுவினர் செய்து வருகின்றனர்.