திருச்சானூர் கோவிலில் இன்று பஞ்சமி தீர்த்த விழா: பக்தர்கள் புனித நீராடினார்கள்

திருப்பதி, நவ. 27–

திருச்சானூர் பத்மாவதி தாயார் கார்த்திகை பிரமோற்சவ விழா நடந்து வருகிறது.

8–ம் திருவிழாவான நேற்று மகாதேரோட்டம் நடைபெற்றது. பத்மாவதி தாயார் வரலட்சுமி அவதாரத்தில் முத்து உடை அலங்காரத்தில் தேரில் எழுந்தருளினார்.

4 மாடவீதிகளிலும் தேர் பவனி வந்தது. ஏராளமான பக்தர்கள் வடம் பிடித்து தேர் இழுத்தனர். நேற்று இரவு குதிரை வாகனத்தில் தாயார் பவனி வந்தார்.

பிரமோற்சவத்தில் நிறைவு விழாவான இன்று காலை கோவில் அருகே உள்ள பத்ம குளத்தில் பஞ்சமி தீர்த்த நிகழ்ச்சி நடைபெற்றது.

குளக்கரையில் அபிஷேக மற்றும் சிறப்பு பூஜைகள் நடைபெற்றன. பின்னர் தீர்த்தவாரி நடந்தது.

இதில் 50 ஆயிரத்திற்கும் மேற்பட்ட பக்தர்கள் கலந்து கொண்டு புனித நீராடினார்கள்.