வாக்கு சீட்டு அச்சுப் பகுதியின் அதிகாரி மாற்றம்: அரச அச்சகத்தி்ல் குழப்பம் ஆரம்பம்

தேர்தல் வாக்கு சீட்டு அச்சடிக்கப்படும் பிரத்தியேக இரகசிய பகுதிக்கு பத்து பேர் அடங்கிய குழு நியமிக்கப்பட்டுள்ளதால் அரச அச்சக ஊழியர்கள் பரபரப்படைந்துள்ளனர்.

கடந்த காலங்களில் அரச அச்சக கூட்டுத்தாபனத்தில் குறைந்தது இரண்டு வருட அனுபவம் வாய்ந்தவர்களாலேயே வாக்குசீட்டுக்கள் அச்சடிக்கப்படுவது வழமையாகும்.

அத்தோடு இந்த வேலைகள் தேர்தல் ஆணையாளரின் கண்காணிப்பிற்கு உட்பட வேண்டிதொன்றாகும்.

ஆனால் திடீரென பத்து புதியவர்கள் கொண்ட குழு நியமிக்கப்பட்டுள்ளதுடன், இரகசிய வேலைப் பகுதியின் அதிகாரியும் மாற்றப்பட்டு புதிதாக ஒருவர் நியமிக்கப்பட்டிருப்பது பலத்த சந்தேகத்தை ஏற்படுத்தியுள்ளதாக தெரிவிக்கப்படுகிறது.

இது சம்பந்தமாக அச்சக தொழிற்சங்கம் தேர்தல் ஆணையாளருக்கு அறிவித்துள்ளதாகவும் நம்பகரமான தகவல்கள் தெரிவிக்கின்றன.