திருப்பதியில் 15 மணி நேரத்தில் 42,188 பக்தர்கள் சுவாமி தரிசனம்

திருமலை: திருப்பதி கோயிலில் நாள்தோறும் ஆயிரக்கணக்கான பக்தர்கள் சுவாமி தரிசனத்துக்காக வருகின்றனர். நேற்று அதிகாலை 3 மணி முதல் மாலை 6 மணி வரை 42 ஆயிரத்து 188 பக்தர்கள் சுவாமி தரிசனம் செய்தனர். இலவச தரிசனத்துக்கான வைகுண்டம் காம்ப்ளக்சில் 20 அறைகளில் பக்தர்கள் காத்திருந்தனர். இதனால், தரிசனத்துக்கு சுமார் 20 மணி நேரமும், மலைப் பாதையில் நடந்து வரும் திவ்ய தரிசன டிக்கெட் பெற்ற பக்தர்கள், வைகுண்டம் காம்ப்ளக்ஸ் 10 அறைகளிலும் காத்திருந்தனர். இதனால் 5 மணி நேரத்திலும் சுவாமி தரிசனம் செய்தனர். ரூ.300 சிறப்பு தரிசன டிக்கெட் வாங்கியவர்கள் நேரடியாக அனுமதிக்கப்பட்டதால் ஒரு மணி நேரத்தில் சுவாமி தரிசனம் செய்தனர்.