ராமநாதபுரம் ராஜராஜேஸ்வரி அம்மன் கோவிலில் நவராத்திரி விழா 24–ந்தேதி தொடங்குகிறது

ராமநாதபுரம் சேதுபதி மன்னர்களின் குலதெய்வமான ராஜராஜேஸ்வரி அம்மன் கோவில் நவராத்திரி திருவிழா ஆண்டுதோறும் விமரிசையாக நடைபெறுவது வழக்கம். இந்த ஆண்டு வருகிற 24–ந்தேதி கோவை காமாட்சிபுரம் ஆதீனம் நவராத்திரி கலை விழாவை தொடங்கி வைக்கிறார்.
25–ந்தேதி காலை 5 மணிக்கு ரக்ஷா பந்தனம், இரவு 7 மணிக்கு திருவிளக்கு பூஜை, 9.45 மணிக்கு அம்பாள் தங்க கேடயத்தில் வெள்ளி காமதேனு வாகனத்தில் எழுந்தருளும் நிகழ்ச்சியும் நடைபெறுகிறது.

விழாவின் முக்கிய நிகழ்ச்சியாக வருகிற 3–ந்தேதி ராஜராஜேஸ்வரி அம்மன் மகிஷா சுரமர்தினி திருக்கோலத்தில் தங்க சிம்ம வாகனத்தில் எழுந்தருளி மகர் நோன்பு திடலுக்கு புறப்படாகி சூரனை வதம் செய்வர். நாள்தோறும் இரவு சிறப்பு நிகழ்ச்சி நடைபெறுகிறது.

ஏற்பாடுகளை திவான் மகேந்திரன், நிர்வாக அலு வலர் சுவாமிநாதன் மற்றும் பணியாளர்கள் செய்து வருகின்றனர்.